July 25, 2024
එක්සත් ජනපදයේ විශ්වවිද්‍යාලවල අධ්‍යාපන කටයුතු සඳහා පිටත්ව යන ශ්‍රී ලාංකික සිසුන් සහ විද්වතුන් සියදෙනෙකු වෙනුවෙන් ෆුල්බ්‍රයිට් කොමිසම සහ එඩියුකේෂන්යූඑස්ඒ(EducationUSA) සත්කාරකත්වය යටතේ අධ්‍යාපන කටයුතු සඳහා සූදානම් කිරීමේ වැඩසටහනක් පවත්වා තිබේ.
සහභාගී වූවන් අතර එක්සත් ජනපද රජයේ ප්‍රමුඛතම අන්තර්ජාතික අධ්‍යාපන හුවමාරු සම්මානය වන කීර්තිමත් ෆුල්බ්‍රයිට් ප්‍රදානය ලැබූවන් ද විය.
මෙම වසරේ කණ්ඩායමට ෆුල්බ්‍රයිට් ශිෂ්‍යත්වලාභින් පස් දෙනෙකු, ෆුල්බ්‍රයිට් පශ්චාත් උපාධි ශිෂ්‍යත්ව සම්මානලාභීන් පස් දෙනෙකු, ෆුල්බ්‍රයිට් ඉගැන්වීම් සහ විශිෂ්ටතා වැඩසටහනේ පාසල් ගුරුවරුන් සහ ෆුල්බ්‍රයිට් හම්ෆ්‍රි සම්මාන සඳහා සහභාගී වන වෘත්තිකයන් ඇතුළත් වේ.
මෙම ආකර්ෂණීය ෆුල්බ්‍රයිට් ප්‍රදාන ලබන්නන් නීතිය, වාග් විද්‍යාව, රථවාහන ආරක්ෂාව, ව්‍යවසායකත්වය සහ සහල් වගාව වැනි විවිධ ක්ෂේත්‍ර අධ්‍යයනය කරමින් ජෝර්ජ්ටවුන් විශ්වවිද්‍යාලය සහ උතුරු කැරොලිනා ප්‍රාන්ත විශ්වවිද්‍යාලය වැනි ගෞරවනීය ආයතනවලට සහභාගී වනු ඇත.
එක්සත් ජනපදයේ අධ්‍යයන කටයුතු සැලසුම් කිරීම සඳහා EducationUSA උපදේශන සේවා භාවිත කළ සිසුන් 90කට ආසන්න සංඛ්‍යාවක් ද මෙම වැඩසටහනට සහභාගී වී තිබිණි.
ඔවුන්ගෙන් බොහෝ දෙනෙකුට එක්සත් ජනපද විශ්වවිද්‍යාලවලින් අරමුදල් ආධාර ලැබී තිබේ.
