ශ්‍රී ලංකා ක්‍රිකට් ක්‍රීඩකයන් වන දුෂ්මන්ත චමීර, මතීෂ පතිරණ, ඩිල්ෂාන් මධුශංක සහ වනිඳු හසරංග ආබාධවලට ලක්ව සම්පූර්ණයෙන් සුවය ලබා නොමැති නිසා ඔවුන්ට මෙවර ඉන්දීය ප්‍රිමියර් ලීග් (IPL) තරගාවලිය අහිමි විය හැකිය.

ICC T20 ලෝක කුසලානය 2024 මෙම වාරයේ IPL අවසන් වී දින කිහිපයකට පසු ආරම්භ වීමත් සමඟ, ශ්‍රී ලංකා ක්‍රිකට් ආයතනය පූර්ණ යෝග්‍යතාවයෙන් තොර සහ ඔවුන්ගේ ආබාධවලින් සුවය ලැබූ ක්‍රීඩකයින් නිදහස් නොකිරීමට තීරණය කර ඇති බව වාර්තා වේ.

බංග්ලාදේශයේ ටෙස්ට් සංචිතයේ රැඳීසිටීමට සිදුවන වනිඳු හසරංග බංග්ලාදේශ තරගාවලියට ක්‍රීඩාකළේ විලුඹේ ආබාධයක් සමඟයි.

ශ්‍රී ලංකාවෙන් මෙතෙක් IPL කණ්ඩායමට එක්වී ඇත්තේ මහේෂ් තීක්ෂණ සහ නුවන් තුෂාර පමණකි.

IPL තරඟාවලිය ලබන සිකුරාදා සවස ආරම්භ වන්නේ, චෙන්නායි සුපර් කිංග්ස් සහ රෝයල් චැලෙන්ජර්ස් බැංගලෝර් අතර තරගයෙනි.